تحدي يا انا يا انتا البارت الثالث

السلام عليكم ورحمة الله وبركاته 


ورجعت ثاني بمنتجات خلصتها من تحدي يا انا يا انتا 


صراحه مررره مليت من التحدي وفي خاطري اشتري مره وماسكه نفسي لان لسا 

عندي اغراض مررررررررررره كثير ولازم اخلصها اول 

حاسه اني اتعذب ابي اشتري ***فيس يبكي 

والظاهر ان احنا ىمطولين في هالتحدي

المهم هاذي هي المنتجات اللي خلصتها 

صورة جماعيه

اول شيء سيروم دابر املا اشتريته ودسيته لان كان عندي منتجات كثير يوم فتحته لقيته كله مطشوش طلع انه ماكان مقفل كويس للأسف واستخدمته اربع مرات بس للأسف بس صراحه مررره حبيته لأنه مره خفيف ويعطي الشعر لمعة جميله حبيته اكثر من سيروم كرستال وناويه اشتريه مره ثانيه ان شاء الله

مقشر شفا بالفراوله 

ريحته ريحة حلاوه وقوامه كريمي في حبيبات تقشير ناعمه على البشره حجمه كبير وسعره رخيص اشتريته ب12ريال .

بالنسبه لي مره احب استخدمه في تقشير جسمي اوزعه على جسمي كله وبعدها ابدي افرك بليفه خشنه 

ميزته سعره وحجمه وانك سهل تلقيه سواء عند العطار او محلات التجميل 

نجي الحين للأسكنول معشوق الملايين مره احبه وما استغنى عنه ابدا قد اتكلمت عنه في الانستجرام احس اني اكون في حاجته مره لما اطلع برا واحطه على قطنه وامسح وجهي ورقبتي واشوف البلاوي اللي تطلع 

اشوف الأسكنول منظف مثالي جدا وانصح كل وحده يكون عندها وفي منه عدة انواع وسعره 7 ريال فقط

نجي الحين لكريم دوف لليدين بزبدة الشيا قد تكلمت عنه ترطيبه جميل لكن ريحته جميله بس كان في شيء مخربها يعني ريحه حلوه على ريحه مو حلوه مدري كيف اكثر شيء جذبني له ان من مكوناته زبدة الشيا وحجمه مرره مناسي للشنطه وماراح اشتريه ثاني لاني حابه اجرب انواع ثانيه اتوقع سعره 15 ريال 

مرطب الشفاة من ذي بودي شوب الفراوله اتذكر يوم كنت احطه في المدرسه كل القروب يقولون في ريحة فراوله ريحته مره تفوح وريحته جميله وترطيبه عادي ومايطول بس شكله لذيذ يعطي لون خفيف يبان مره طبيعي ومافيه شيمر قأحب استخدمه للدوام

وبكذا اكون خلصت التدوينه