كب كيك االشوكلاته

السلام عليكم ورحمة الله وبركاته 

كيفكم جميلاتي ؟ان شاء الله كلكم بخير ومبسوطين 

جبت لكم اليوم حلو صحي ولذيييذ وسريع جدا

كب كيك الشوكلاته السريع 

طعمه جدا لذيذ ومحد بيتوقع انه صحي 

لكن طبعا مو تاكلون عشر حبات تقولون صحي مافي مشكله حبتين او ثلاث كويسه

وفي هالتدوينه راح تعرفون ان الأكل الصحي مو حرمان ابدا 

ويلا نبدي

ملعقتين كبيره دقيق اسمر

ملعقه كبيره كاكاو بودرة

ربع ملعقه كبيره باكينج بودر

ملعقتين كبار عسل ولو عندكم بديل سكر يكون افضل لكنه خلص من عندي فاستبدلته بعسل

بعدين اضيفوا حليب خالي الدسم واخلطوه لين يصير قوامه مثل قوام الكيك

اخر شيء نضيف ربع ملعقه صغيره فانيلا

وبعدين حطيت الخليط في قوالب الكب كيك الورقيه ودخلتها المايكرويف لمدة دقيقه

وقدمتها مع القهوه

طبعا تقدرون تدخلونها في الفرن بعد الكميه سوت لي ثلاث حبات اهم شيء لاتعبوا الكوب لأنها راح تنتفخ شوي انا سويت كميتين تقدرون بعد ماتحطون كل المكونات تذوقونها على شان تتأكدون من حلاوتها ان كانت تناسبكم ولا لا جربوها واكيد راح تعجبكم 

وبكذا اكون خلصت ان شاء الله التدوينه تكون نالت اعجابكم