اهتمامات انثى | صابونيات الجسم

السلام عليكم ورحمة الله وبركاته 

جيتكم اليوم بالموضوع اللي اكثركم صوتوا له 

.ابداً ماتوقعت هالشيء وهو صابونيات الجسم 

في هالموضوع راح اتكلم عن كل شيء يخص الصابونيه ،فوائدها ، طريقة زيادة فعاليتها وحفظها 

فوائد الصابونيه :-

الصابونية من الأشياء المفيده جداً واللي كنت غافله عنها لين فتره قريبه 

مهمة الصابونيه تنظيف الجسم بالإضافه لعدة فوائد اخرى وهذا يعتمد على مكونات الصابونيه والمواد المضافه لها واللي تزيد من فعاليتها 

نصائح مهمه تخص الصابونيه :-

1- الصابونية توضع على الجسم اقل شيشيء خمس دقائق وطبعا كل ما كانت المدة اط لا كل ما كان افضل وجسمك يكون له الوقت على شان يستفيد اكثر 

2- راعي يكون قوام صابونيتك مناسب لا هي سايله ولا جامده على شان لاتتعبكي في توزيعها على الجسم 

3- تقدين تدخلين بالصابونيه في الساونا مره او اثنين في الأسبوع على شات تزيدي فعاليتها على جسمك

4- الصابونيه لازم لازم تستخدميها يومياً على شان تشوفي نتيجه

5- مهم جداً الترطيب العميق جداً بعد الصابونيه لان الجفاف اكبر مسبب للاسمرار فانتبهي على شان لاتشوفي نتيجه عكسيه

6- بعد ماتخلي الصابونيه على جسمك افركيها بليفه ماهي ناعمه ولا خشنه تصير بين الاثنين مثل ليفة ذي بودي شوب 

7- الصابونيه تستخدميها بملعقه لاتحطي يدك فيها ولا تدخلي مويه فيها على شان لاتخرب عليكي 

8-لما تسوي الصابونية ركزي على اختيار صوابين كويسه وصوابين التبييض المعروفه على شان تشوفي نتيجه كويسه بالاضافه للبودرات اللي تزيد فعالية الصابونيه والزيوت اللي تزيد فعاليتها وتحسن من قوامها وتقلل من تجفيفها للجسم 

طرق عمل الصابونية :-

في طريقتين نقدر نسوي فيها الصابونية 

الطريقة الأولى (طريقة النقع) :-

طريقة النقع هي اننا نبشر الصوابين اللي نبغاها ونحطها في صحن ونحط عليها موية ورد وموية مغليه لما نغطيها بس لازم نحطها في صحن كبير لإن الكمية راح تتضاعف بشكل كبير المهم ونخليها ليله كامله منقوعه بعد كذا نبدأ نقسمها ونحطها في الخلاط ولو مارضت تنخلط اضيفي عليها شوية مويا واستمري لما تخلطي الكميه كامله وبعدها ضيفي اضافاتك من بودرات تفتيح او زيوت واخلطيها زين بمضرب يدوي او كهربائي

الطريقة الثانية (تذويب الصابونية في حمام مائي) 

وهي اننا نبشر الصوابين ونحط عليها موية ورد لما تتغطى نخليها شوي  بعدين نحطها في حمام مائي ونقلبها لما تذوب وانتبهوا انا قلت حمام مائي مو على النار مباشرة ً المهم نستمر نقلبها لما نتأكد ان الصابون ذاب نشيله من على النار ونخليه يبرد شوي بعد كذا نحط عليه الإضافات اللي نبيها من زيوت وبودرات ونقلبها زين بمضرب يدوي او كهربائي ووآخر شيء نحطها من ساعة الالى ساعة ونص في الثلاجه الين تتماسك 

افضل انواع الصوابين للصابونية: -

طبعا في مليون نوع وراح احاول اقول لكم بعضها
صابونة البابايا غنيه عن التعريف وصابونة الكركم للتبييض وحبوب الجسم وصابونة المر لحبوب الجسم بالإضافه لصابونة سكين وايت للتبييض وصابونة  الليمون والغار وصابونات يوكو وفيتامين سي وبيلو والطاووس ودوف الوردية والصابونه الافريقيه والطاووس السائله وصابونة زين العرائس التونسيه

البودرات اللي تزيد فعالية الصابونيه: -

النشا ، سفيد اب ، لسان البحر ،كركم الجسم ،رز مطحون ، بابونج مطحون ، عرق سوس ، ملح ليمون ، قشر ليمون مطحون ، قشر برتقال مطحون ، حنا بيضا ، بردقوش ، ترمس مطحون ، قشر رمان مطحون 

الزيوت اللي تزيد فعالية الصابونيه :-

زيت الجلسرين ، زيت الليمون ، زيت اللوز المر ، زيت اللوز الحلو ، زيت الخروع ، زيت فيتامين e ، زيت بذور العنب ، زيت الجوجوبا ، زيت الافوكادو ، زيت جنين القمح ، زيت الأركان ، زيت البرتقال ، زيت البابونج ، زيت شجرة الشاي ، زيت السمسم واللافندر 

زبدات لزيادة فعالية الصابونيه: - 

زبدة المانجا ، الليمون ، الشيا ، الكاكاو ، الأفوكادو وزبدة الليمون
جل لزيادة فعالية الصابونيه: - 
جل الصبار ، جل فيتامين e

السنفرات: -
لو حابه انك تضيفي عليها سنفره اشوف نوعين بالكثير مره كفايه تقدرين تضيفين ملح اليوكو او اي نوع من الأملاح او سسنفرة سانت ايفيز او سسنفرة العروسه او سنفرة كاب او ممكن تضيفي سكر لو حابه

كيف نخلي الصابونية تعطي نتيجة زي اللي تيجي من التاجرات ؟
السر في الصابونية هي الصوابين المستخدم والمواد المضافه لها واللي تزيد من فعاليتها. في كمان قدرات التفتيح اللي تعطيها نتيجه رواه ولكن لازم ينحط منها مقار بسيط على شان لاتئذي الجلد وتحسسه  مثل بودرة اللؤلؤ وفيتامين سي والكولاجين  الجلوتاثيون وغيرهم

الصابونيات  الحمل: -
حبيت اتطرق لهذا الموضوع واهميته كلنا نعرف ان الحوامل لهم وضع خاص وممنوع استخدام كثير من الأشياء لهم ومنها الصبغه وكريمات التبييض وهالشيء ينطبق بعد على بعض صوابين التبييض لان بعضها فيها مواد غير آمنه للأجنه وممكن تئذيهم لا قدر الله فحافظوا على الروح اللي داخلكم ولا تفكرون تخاطرون

طريقة استخدام الصابونيه :-
رغم اني كتبتها بالتفصيل فوق بس راح اعيدها على شان يك أن كل شيء مرتب وواضح ومفهوم
اول شيء بللي جسمك بالمويا ووزعي الصابونيه عليه اقل شيء خمس دقائق والتي تفركينها بخفه بيدك بعدها جيبي ليفه مثل ليفه القفاز من بدي شوب وبحركات دائريه ووبنعومه استخدميها من اسفل لفوق وتقدري بعد ماتوزعي الصابونيه تدخلي الساونا ربع ساعه. بعدين تطلعين وتفركيها بالليفه. بعدين تغسليها وابدا لاتحطي يدك فيها استخدمي الملعقه ولا تطيحين فيها مويا وبعد ما تغسليها لازم ترطيب عميق على شان لاتشوفي نتيجه عكسيه



وبكذا اكون خلصت الموضوع وان شاء الله يكون شامل ونفيد ويجاوب على كل استفساراتكم وكل مواد الصابونيه موجوده عند العطار ولو عندكم اي استفسار الباب مفتوح لكم